အရင်တုန်းက တစ်ယောက်တည်း၊ ခုတော့ နှစ်ယောက်ဖြစ်သွားပြီမို့ အရင်တုန်းက
ကိုယ့်စိတ်ကြိုက်နေလာခဲ့တဲ့ အကျင့်ဟောင်းတွေထဲမှာ ဖျောက်ပစ်သင့်တာလေးတွေ
ရှိနေပါတယ်။ တစ်ကိုယ်ရည်ဘ၀မှာတုန်းက အဲ့ဒီအကျင့်လေးတွေက မိုက်ပါတယ်။
ဒါပေမယ့် ခုတော့ ဒါလေးတွေ ခေါက်ပစ်လိုက်တော့နော်။
- မနက်နှိုးစက်နာရီကို အကြိမ်ကြိမ်အခါခါ ထုရိုက်ပိတ်ပစ်ပြီး ထချင်တဲ့အချိန်မှထတတ်တာမျိုး
သူငယ်ချင်းတွေနဲ့
ချိန်းထားတဲ့အခါပဲဖြစ်ဖြစ်၊ တစ်နေရာရာသွားဖို့ စဉ်းစားထားလို့
နှိုးစက်နာရီတော့ ပေးအိပ်ပါရဲ့။ ဒါပေမယ့် မနက်နှိုးစက်နာရီက ထမြည်တဲ့အခါ
တဒုန်းဒုန်းထုပိတ်ပြီး ပြန်အိပ်တတ်တဲ့ အကျင့်မျိုးလေးတွေ ရှိရင်
နှိုးစက်နာရီဘေးမှာ ငါဟာ တကယ်ပျော်ရွှင်ကြည်နူးရတဲ့ အချစ်ရေးကို
လိုချင်တယ်လို့သာ စာလေး ကပ်ထားလိုက်တော့။
ချစ်သူနဲ့ချိန်းထားတဲ့အချိန်ကိုတော့ ရွှေ့မပစ်လိုက်ပါနဲ့။
- အားလပ်ရက် စနေ၊ တနင်္ဂနွေဆိုရင် သူငယ်ချင်းတွေနဲ့ တစ်နေရာမှာ စုသောင်းကျန်းတတ်တာမျိူး
အားလပ်ရက်ရောက်ပြီဆိုတာနဲ့
သူငယ်ချင်းတွေ ချိန်းပြီး သွားကြလာကြ၊ စုပြီး
သောင်းကျန်းကြတာမျိုးတွေကိုလည်း ရှောင်နိုင်သမျှ ရှောင်ပါ။ ကိုယ့်ချစ်သူက
ရပါတယ် မင်းသဘောဆိုရင်တောင် ကြာရင်တော့ ဘယ်သူမှအဲ့ဒီဒဏ်ကို ခံနိုင်မယ်
မထင်ဘူးနော်။
- တစ်ခုခု ဆုံးဖြတ်ချက်ချတော့မယ်ဆိုရင် ကိုယ့်ဘာသာကိုယ် ထင်တာကို ဇွတ်လုပ်တတ်တာမျိုး
အရင်တုန်းကတော့
တစ်ယောက်တည်းမို့လို့ ကိုယ့်စိတ်ကြိုက်၊ ကိုယ့်အတွေးနဲ့ကိုယ်နေခဲ့တာ
မှန်ပေမယ့် ခုတော့ နှစ်ယောက်ဖြစ်လာပြီဆိုတာ သိထားပြီး
အရေးကြီးတဲ့အရာဆုံးဖြတ်တော့မယ်ဆိုတိုင်း သူ့ကိုလည်း တိုင်ပင်ပါ။
ဘာလုပ်လိုက်ပြီဆိုတာမျိုး အားလုံးပြီးတော့မှ သူ့ကိုဖွင့်ပြောလိုက်ရင်
သူစိတ်မကောင်းဖြစ်ပါလိမ့်မယ်။
- မိသားစုဝင်တွေလုပ်တဲ့ ပွဲတိုင်းအကုန်တက်ပြီး ချစ်သူဘက်က လူတွေလုပ်တဲ့ပွဲမျိုးကို ရှောင်တာမျိုး
နားလည်မှုနဲ့
မျှမျှတတသွားရမယ့် လမ်းမှာ ကိုယ်လုပ်လိုက်လို့ ဆူးငြှောင့်ခလုတ်တွေ
မဖြစ်သွားပါစေနဲ့။ ကိုယ့်အမျိုးရဲ့ပွဲတွေ တစ်ခုမကျန် တက်ပြီး
ကိုယ့်ချစ်သူဘက်က လူတွေလုပ်တဲ့ ဒင်နာ၊ ပါတီတွေကိုကျ ခြေဦးတောင်
မလှည့်တာမျိုးတွေ မဖြစ်ပါစေနဲ့။ မျှမျှတတလုပ်ဆောင်ပါ။
- ဟိုးအရင်ထားခဲ့ဖူးတဲ့ ရည်းစားတွေအကြောင်း စိန်ပြေနပြေ ပြန်လည်ပြောဆိုတာမျိုး
ကြာခဲ့ပြီဆိုပေမယ့်
ဘယ်လိုယောင်္ကျားမျိုးကမှ ကိုယ့်ချစ်သူရဲ့အရင်ဘဲတွေအကြောင်း ပြန်ကြားချင်မှာ
မဟုတ်ပါဘူး။ သူတို့နဲ့တုန်းက ဘယ်လိုလေ။ ဘယ်တွေသွားခဲ့တာ စတာတွေကို
သူငယ်ချင်းတွေနဲ့ ပြောဆိုနေသလိုမျိုး မပြောလိုက်ပါနဲ့။ ပထမအကြိမ်၊
ဒုတိယအကြိမ် နားထောင်ပြီးတဲ့အခါ တတိယအကြိမ်ကျရင်တော့ သင်တို့နှစ်ယောက်စလုံး
ပြသနာအကြီးအကျယ် ဖြစ်သွားပါလိမ့်မယ်။
တစ်ခါတစ်လေတော့လဲ သမီးရည်းစားဆက်ဆံရေးတိုင်းမှာ သူ့အခက်အခဲ၊ သူ့အမှားနဲ့သူ
ရှိတတ်ကြပါတယ်။ ပြသနာတစ်ခုကို အဆင်ပြေသွားအောင်
ပြန်လည်ကြိုးစားပြုပြင်မယ်၊ သင့်ရဲ့လက်တွဲဖော်ကို လမ်းခွဲမယ့်လမ်းမှ
ပြန်လှည့်ချင်လာအောင် လုပ်ချင်တယ်ဆိုရင်တော့ ဒီအချက်တွေက
ကူညီစည်းရုံးပေးပါလိမ့်မယ်။
စိတ်ခံစားချက်တွေ
ပြင်းထန်လာတဲ့အခါမှာ လုပ်ချင်ရာ လုပ်တတ်ကြတယ်။ ဆုံးဖြတ်ချက်အမှားတွေ
ချပြီးမှ နောင်တရစရာတွေ ကြုံရမယ့်အတူတူ သင့်စိတ်ကိုသင်
အမြန်ဆုံးထိန်းနိုင်လေ အခြေအနေကို အမြန်ဆုံးထိန်းသိမ်းနိုင်ပြီး
သင့်လက်တွဲဖော် စိတ်အေးမှု အမြန်ရရှိလေပါပဲ။
- လက်ညိုးထိုးစကားပြောတာရှောင်ပါ
လမ်းခွဲတော့မယ်၊
နှစ်ဦးသားပြသနာတက်ပြီဆိုတာနဲ့ တစ်ယောက်ပေါ် တစ်ယောက်
အပြစ်တင်ဝေဖန်ပြောဆိုမှုတွေကတော့ ရှိတတ်ကြတာပါပဲ။ အပြစ်တင်ဝေဖန်မှုတွေ၊
ကိုယ့်သဘောနဲ့ကို ဆုံးဖြတ်ချက်ချလိုက်တာတွေနဲ့ မစဉ်းစားမဆင်ခြင်ပဲ
တုံ့ပြန်ပြောမှုတွေကို ဆင်ခြင်ပြီး အဆုံးသတ်မှာ အပျက်သဘော၊ အနုတ်လက္ခဏာ
ဆောင်တဲ့ အရာမှန်သမျှကို ကင်းရှင်းစေတဲ့ ဆွေးနွေးမှုတစ်ခုကို ဆောင်ရွက်ပါ။
- သဘောမကျတာရှိလား သင့်လက်တွဲဖော်ကို မေးကြည့်ပါ
ရန်ဖြစ်တဲ့အခါ
သူ့စကားကို သင်ဟာ အလေးပေး နားမထောင်ဘူးလို့ သင့်လက်တွဲဖော်တွေက
ခံစားရတတ်ပါတယ်။ ဒါ့ကြောင့် သူမှားယွင်းနေတယ်ထင်တဲ့ အရာတွေကို
မေးကြည့်ခြင်းအားဖြင့် အဲဒီပြသာနာကို သင်ဖယ်ရှားနိုင်ပါတယ်။
- သင်ပြောင်းလဲမှု လိုအပ်ကြောင်း ဝန်ခံပါ
သင့်အမှားကို
ဘယ်တော့မှ ဝန်မခံပဲ သင်ရဲ့မှားယွင်းတဲ့ဆောင်ရွက်မှုတွေကိုသာ
ခုခံပြောဆိုနေရာကနေ ပြောင်းလဲလိုက်ပါ။ ကိုယ့်ဘက်က မှန်နေတယ်ဆိုရင်တောင်
ကိုယ့်ကိုကိုယ်နှိမ့်ချပါ။ သင့်ရဲ့လက်တွဲဖော်ဆီကို အပြောင်းအလဲပြုလုပ်ဖို့
လိုအပ်ကြောင်းနဲ့ သူ့ရဲ့ အကြံအဥာဏ် လိုအပ်ကြောင်းကိုလည်း
ပွင့်ပွင့်လင်းလင်း အသိမှတ်ပြုပေးလိုက်ပါ။
- ရည်းစားစကားပြောဆိုမှု ခဏဘေးဖယ်ထားပါ
ခုလက်ရှိအချိန်မှာ
သင်တို့နှစ်ယောက်လုံးက နှစ်ယောက်ကြား အဆင်မပြေမှုကိုသာ
အာရုံစိုက်နေကြရတာကြောင့် သင်တို့နှစ်ဦးစလုံးအပေါ် စိဖိစီးမှုတွေ
ရှိနေပါလိမ့်မယ်။ လွတ်လွတ်လပ်လပ်နေပြီး သမီးရည်းစားအကြောင်းကို
ခဏမေ့ထားလိုက်ပါ။ အဲ့ဒီအစား အချင်းချင်း ကိုယ့်ရဲ့
ရည်ရွယ်ချက်ပန်းတိုင်တွေက ဘာဖြစ်တယ်ဆိုတာ ပြောဆိုဆွေးနွေးလိုက်ပါ။
- ပြန်လည်စမ်းစစ်မှုလုပ်ဆောင်ပါ
သင့်ချစ်သူကို
သူပြောချင်တဲ့အရာ ပြောဆိုဖို့ အခွင့်ပေးပါ။ သူသင့်ကို ဘယ်လို
လုပ်စေချင်ကြောင်း သူသင့်ကို ပြောပြပါစေ။ သူပြောချင်တာ
အကုန်ပြောလို့ပြီးသွားတဲ့ချိန်မှာ သင်ရဲ့လုပ်ဆောင်ချက်ကို သဘောကျမကျနဲ့
အရာရာ သူလိုချင်တဲ့ အတိုင်းဖြစ်မဖြစ် သိရှိဖို့ အကဲခတ် စစ်ဆေးကြည့်လိုက်ပါ။
- သူစကားကို အလေးနက်တန်ဖိုးထားကြောင်း ပြောပြပါ။
သင်သူ့ကို
တန်ဖိုးမထားဘူးလို့ သူခံစားကောင်းခံစားနိုင်တယ်။ သင်သူ့ကို
အသိအမှတ်မပြုဘူး၊ ကျေးဇူးလည်းမသိတတ်ဘူးလို့ ထင်ကောင်းထင်နိုင်ပါတယ်။ သင်
သူ့ကို ဘယ်လို၊ဘာကြောင့် အလေးအနက်တန်ဖိုးထားတဲ့အကြောင်း သူ့ကို ပြောပြပြီး
အသိပေးလိုက်မယ်ဆိုရင် သင့်ချစ်သူက စိတ်တွေတက်ကြွလာပြီး အလေးထားမှုကို
ပြန်လည်ခံစားလာပါလိမ့်မယ်။
အဆင်ပြေတာကတစ်ခါတစ်လေပဲလား? ဒါမှမဟုတ် တော်တော်များများအဆင်ပြေပါတယ်၊ တစ်ခါတစ်လေတော့ အဆင်မပြေဘူးပေါ့.. အဲ့လိုလား? ဒီလိုဆိုရင်လဲ တစ်ခါတစ်လေကနေ အမြဲလိုလိုဆက်တိုက်ဖြစ်လာနိုင်ဖို့ လမ်းကြောင်းနေသလိုဖြစ်နေလိမ့်မယ်။ ဒီတော့.. တော်ကီတွေနဲ့ပဲ အဆင်ပြေအောင်ချော့တာအပြင် ကိုယ်ဟန်အမူအယာကို အသုံးပြုခြင်းဟာ စကားလုံးတွေထက်
သမီးရည်းစားဆက်ဆံရေးကို ပိုမိုတိုးတက်ကောင်းမွန်လာစေနိုင်ပါတယ်။
သင့်လက်ဟန်ခြေဟန်တွေကို ဘယ်လိုအသုံးပြုရမလဲ။
- မှန်ုကြည့်နေသလို စကားပြောပါ
ကိုယ်ဟာ
ကိုယ့်ချစ်သူထက် ပိုမြင့်တဲ့ အနေအထားမှာ ထိုင်နေတာမျိုး၊ ခြေဒေါက်ကို
ချိတ်ထားပြီး လက်ချောင်းတွေကို ခေါင်းအနောက်မှာထားကာ ဆရာကြီးသဖွယ်
ထိုင်နေတာမျိုးတွေ ဖြစ်နေမယ်ဆိုရင် သူတို့စိတ်ထဲမှာ တစ်မျိုးတစ်မည်
ခံစားသွားရနိုင်ပါတယ်။ ။ ပိုပြီးနိမ့်တဲ့ နေရာအနေအထားမျိုးမှာ
ထိုင်တဲ့လူတွေဟာ ခုခံတုံ့ပြန်တတ်ပြီး အမြတ်ဒေါသတွေ ရှိနေတတ်ပါတယ်။ ဒါကို
သတိထားပါ။
- သင့်လက်တွဲဖော်ရဲ့ နှုတ်ခမ်းကို သေချာကြည့်ပါ
တစ်စုံတစ်ယောက်မှာ
ပြောစရာ တစ်ခုခုရှိတဲ့အခါ ခံစားချက်ကို စတင်ထုတ်ဖော်ဖို့ ဦးနှောက်ကနေ
နှုတ်ခမ်းတွေဆီကို လျှာနဲ့ သတင်းအချက် အလက်တစ်ခု ပို့ပေးပါတယ်။ လူတစ်ယောက်က
သူ့နှုတ်ကနေ တစ်ခုခု ပြောဆိုချင်တာကို သတိပြုမိတဲ့အခါ စကားလုံးအနေနဲ့
ထွက်မလာခင်မှာတောင် သူပြောဆိုမယ့် အကြောင်းအရာကို သင်ကကြိုသိနေရင်
ဒါကောင်းတဲ့အချက်ပါ။
- လက်ဖဝါးတွေ အသုံးပြုပြီး ယုံကြည်မှု တည်ဆောက်ပါ
သင့်လက်တွဲဖော်အပေါ်
ယုံကြည်မှု ထားသင့်မထားသင့် သိရအောင် ပွင့်လင်းမှုရှိတဲ့
ကိုယ်ဟန်အမူအရာသုံးပြီး သူ/သူမဆီကို ချဉ်းကပ်ပါ။ စကားအပြန်အလှန်
ပြောဆိုနေစဉ်အတွင်း သူ့ဆီကို ခြေဖျားနဲ့ မထိတထိလုပ်ပါ။ မကြာခဏ ပြုံးပြပြီး
လက်ဖဝါးတွေနဲ့ အမူအရာ လုပ်ပြပါ။
- တို့ထိပြီး စကားအငြင်းအခုံတွေလုပ်ပါ
သင့်ချစ်သူကို
မကြာခဏ ထိတွေ့ပေးခြင်းဟာ ဆက်ဆံရေးကို ခိုင်မြဲစေတာ အသေအချာပဲ ဖြစ်ပါတယ်။
တစ်ယောက်နဲ့တစ်ယောက် ထိတွေ့ခြင်းဟာ ယုံကြည်မှုကို ခံစားရရှိစေပြီး
စိတ်ဖိစီးမှုကိုလည်း လျော့ချပေးပါတယ်။
Posted in Knowledge, Love
သမီးရည်းစား ဆက်ဆံရေး ပြေလည်စေရန် ဆောင်ရန်၊ ရှောင်ရန်နဲ့ လိုအပ်တာလေးတွေ