သတ္တမမြောက် မျက်မမြင်ပုဏ္ဏား

 
(၁)

ရွာအပြင် ဇရပ်အိုကြီးတစ်ခုမှာပါ။ မျက်မမြင်ပုဏ္ဏားခြောက်ယောက်တို့ ကြေကြေကွဲကွဲ စကားဆိုနေကြတယ်။

(၂)

တစ်ယောက်ကပြောတယ်..

"အီတလီနိုင်ငံသားလေးတစ်ယောက်ရဲ့ ရောဂါကထူးထူးဆန်းဆန်းတဲ့ဗျ။ သူက နေ့ဖက်မှာလုံးဝကန်းပြီး ညဖက်ကျမှ မြင်ရသတဲ့။ အဲ့ဒါကိုလဲ လူတော်တော်များများက မသိကြဘူးတဲ့။ တော်တော်နဲ့ကိုမသိတာ။ နောက်မှ ကောင်လေးက နိုင်ငံခြားထွက်ဖို့စီစဉ်တော့ ဆေးစစ်ခံရင်းပေါ်သွားတာတဲ့။ နိုင်ငံခြားမသွားရရင် နေပါစေဗျာ။  သူ့လိုညဖက် မြင်ရရင်ပဲ ကျွန်တော်ကျေနပ်ပါပြီ။"

(၃)

နောက်တစ်ယောက်ကလဲ ပြောတယ်။

"တစ်ရုတ်နိုင်ငံ ရှန်စီပြည်နယ်ရဲ့ ဘုရင်ခံတစ်ယောက်ဟာဆိုရင် မျက်လုံးတစ်လုံးမှာ သူငယ်အိမ် နှစ်ခုစီပါသတဲ့။ သူတို့များကျတော့ အားကျဖို့ကောင်းလိုက်တာဗျာ။"

(၄)

နောက်တစ်ယောက်က ထပ်ပြောတယ်။

"အီဂျစ်သမိုင်းမှာဆိုရင် မျက်စေ့ကန်းနေတဲ့သူတွေကို တပ်ရင်းကြီးနှစ်ခုတောင်ဖွဲ့ခဲ့သတဲ့။ ဒါပေမယ့် အဲ့ဒီ့စစ်သားတွေက ကျုပ်တို့လိုစုံလုံးကန်းတော့မဟုတ်ဘူး။ တစ်ဖက်ကန်းတွေတဲ့။ ကျုပ်တို့မှာတော့ဗျာ။"

(၅)

သူတို့ အဲ့ဒီ့လိုမချိတင်ကဲပြောနေတာ အကြောင်းရှိပါတယ်။ ဆင်တစ်ကောင်ကို သွားရောက်စမ်းသပ်မိရာက အစပြုပါတယ်။

(၆)

သူတို့ဟာ ဒီရွာရဲ့အနီးအနားမှာပဲ တောင်းရမ်းစားသောက်ရတဲ့ မျက်မမြင်တွေပါ။ မွေကတည်းက အမြင်အာရုံပါမလာသူတွေမို့ ဘာကိုမှ မမြင်ခဲ့ရပါဘူး။ ဒီလိုပဲသူများပြောတာတွေ မှတ်သားလာခဲ့ကြတာပါ။  တစ်နေ့တော့ ရွာသူကြီးရဲ့အိမ်မှာ ဆင်တစ်ကောင်ရောက်လာတယ်လို့ကြားတယ်။ ရွာသူရွာသားတွေက အထူးအဆန်းအဖြစ် ပြောဆိုနေကြတာကို ကြားတော့ သူလို့လဲစိတ်ဝင်စားတာပေ့ါ။

"တို့လဲ အဲ့ဒီ့ဆင်ကို သွားကြည့်ကြရအောင်"
"ဘယ်လိုကြည့်မှာလဲ"
"လက်နဲ့ ကိုင်ကြည့်မှာပေ့ါ"

(၇)

ညဥ့်ဦးပိုင်း လူသူရှင်းချိန်မှာ သူတို့ဟာ ဖြောင့်ဖြူးတဲ့ ရွာအဝင်လမ်းအတိုင်း တစ်ယောက်လက် တစ်ယောက်ချိတ်ပြီး သူကြီးအိမ်ဆီ သွားကြတယ်။ သူတို့ဆင်ကို စမ်းသပ်ကိုင်တွယ်ကြည့်ချင်ကြောင်း ပြောဆို ခွင့်တောင်းတယ်။ သူကြီးကလည်း သဘောကောင်းသူဆိုတော့...

"အေး... အေး ကိုင်ကြည့်ကြပေ့ါကွာ၊ ဒီဆင်ကြီးက ယဉ်ပါတယ်"

(၈)

သူတို့တွေ ဝမ်းသာအားရနဲ့ ဆင်ကြီးကို ကိုင်တွယ်စမ်းသပ်ကြပါတယ်။ နောက်တော့ သူတို့တွေ နေထိုင်တဲ့ ဇရပ်အိုကြီးဆီ ပီတိကိုယ်စီဖြင့် ပြန်လာကြပါတယ်။ နောက်ပိုင်းမှာမှ ပြဿနာကစတော့တာပဲ။

(၉)

ဆင်ရဲ့ခန္ဓာကိုယ်ကို စမ်းမိတဲ့သူက ဆင်ဆိုတာ 'အုတ်တံတိုင်း' နဲ့တူတယ်လို့ ပြောတယ်။ နှာမောင်းကို စမ်းမိတဲ့သူက ဆင်ဆိုတာ 'မြွေ' နဲ့တူတယ်လို့ ပြောပြီး အမြီးကို စမ်းမိသူက ဆင်ဆိုတာ 'ကြိုး' အတိုင်းပဲလို့ဆိုတယ်။

နာရွက်ကိုစမ်းမိသူက ဆင်ဆိုတာ 'ယပ်တောင်' နဲ့တူတယ်တဲ့။ အစွယ်ကို စမ်းမိသူကျတော့ 'လှံ' လို့ဆိုပြန်ရော။ ခြေထောက်ကိုစမ်းမိသူက ဆင်ဆိုတာ တုတ်တုတ်ခိုင်ခိုင်ပါပဲ။ 'သစ်ပင် ပင်စည်' နဲ့တူသတဲ့။ သူတို့တွေ အယူအဆ ကွဲပြားကြတော့တယ်။

(၁၀)

ပထမတော့ ငြင်းကြခုံကြနဲ့ပေ့ါ။

"ဟေ့ကောင်.. မင်း.. သေသေချာချာ မမြင်ပဲနဲ့ မပြောနဲ့"

"မင်းကကော မြင်လို့လား"

"ငါက လက်နဲ့ အပီအပြင် စမ်းလာတာ"

"ငါလဲ အပီအပြင် စမ်းလာတာပဲ"

(၁၁)

နောက်တော့ အမြော်အမြင်ရှိတဲ့ မျက်မမြင် ပုဏ္ဏားတစ်ယောက်က ဆိုတယ်။

"ငြင်းမနေကြနဲ့ကွာ၊ ကိုယ်နဲ့နီးတဲ့နေရာ ကိုယ်စမ်းလာပြီး အခုတော့ ဆင်ဆိုတာ ဘာပုံပေါက်နေလဲတောင် မသိတော့ဘူး။ ဘယ်သူကမှလဲ အပိုင်အနိုင် ပြောနိုင်စွမ်း မရှိဘူး။ တိတ်ကြတော့"

သူ့စကားအဆုံးမှာ အားလုံး ငြိမ်သွားတယ်။ သူတို့တွေ စိတ်ကူးနဲ့ ဆင်ကို ပုံဖော်ကြည့်မိတယ်။ (ဆင် = ယပ်တောင် + မြွေ + ကြိုး + အုတ်တံတိုင်း + သစ်ပင် ပင်စည် + လှံ) ဖြစ်သွားကြတယ်။ နောက်တော့လဲ သူတို့ဘဝကို သူတို့ ဝမ်းနည်းစကားတွေကို ခုနကလို(ရှေ့ပိုင်းမှာ တင်ပြခဲ့သလို) ပြောဆိုဖြစ်နေကြတော့တာပဲ။

(၁၂)

အဲ့ဒီ့အချိန်မှပဲ...

"ကျွန်တော့ကိုလည်း ဒီဇရပ်မှာ တစ်ညတာ တည်းခိုခွင့်ပြုပါ ခင်ဗျာ။ ကျွန်တော်ဟာ လှည့်လည်တောင်းစားနေရတဲ့ မျက်မမြင် ပုဏ္ဏားတစ်ယောက်ပါ"

"ဟာ... လာပါ၊ လာပါ၊ ရပါတယ်။ ကျွန်တော်တို့ကလဲ ခင်ဗျားနဲ့ ဘဝတူတွေပါပဲ"

သူတို့ အချင်းချင်း ရိုင်းပင်းကြပါတယ်။ သတ္တမမြောက် မျက်မမြင်ပုဏ္ဏားဟာ နယ်လှည့်လာပြီး အကြားအမြင် ပြည့်စုံသူဖြစ်လို့ သူတို့ကို ယဉ်ယဉ်ကျေးကျေး စကားဆိုနိုင်ပါတယ်။

(၁၃)

ကျုပ်တို့တွေ ဘာမှ အားငယ်စရာ မရှိပါဘူးဗျာ။ ဆာ ဘွဲ့ရခဲ့တဲ့ ဖရန်စစ်ဂျိုးဇက်ကင်းဘဲလ် ဆိုတဲ့ တောင်တက်သမားဟာ မျက်မမြင်ဗျ

သူအရမ်းတော်လို့ ဖြစ်မှာပေ့ါဗျာ။ ကျွန်တော်တို့ကတော့ သာမန်လူတွေပါ။ ဆင်ကြီးတစ်ကောင်လုံး သွားစမ်းကြည့်တာတောင် ဘာပုံပေါက်သလဲ ဆိုတာတောင် ခုထိ မသဲကွဲသေးဘူး

ဘယ်ဆင်လဲ။ ဒီရွာသူကြီးအိမ်က ဆင်လား

ဟုတ်တယ်။ ခင်ဗျား သိလို့လား

သိတယ်လေ။ ကျုပ်တောင် စမ်းကြည့်ခဲ့သေးတယ်

(၁၄)

သူ့စကားကြောင့် ကျန်တဲ့ မျက်မမြင် ပုဏ္ဏားခြောက်ယောက် နားရွက်ထောင်သွားတယ်။ ဗဟုသုတများပုံရတဲ့ အဲ့ဒီ့ သတ္တမမြောက်ပုဏ္ဏားကို အမောတကော ဝိုင်းမေးမိကြတယ်။

ပြောစမ်းပါအုံး။ ဆင်က ဘာနဲ့တူသလဲဗျ

ဆင်ဆိုတာ ငှက်ပျောသီးနဲ့ တူတယ်ဗျ

ဗျာ

ဆင်ဆိုတာ ငှက်ပျောသီးနဲ့ တူတယ်လို့

(၁၅)

မျက်မမြင် ပုဏ္ဏားခြောက်ယောက် ခေါင်းတဆတ်ဆတ် ညိတ်ကြပါတယ်။ သက်ပြင်းကြီးတွေ မှုတ်ထုတ်ပြီး မှတ်ချက်တစ်ခုကိုလဲ ပြိုင်တူချကြတယ်။

သြော်.. လက်စသတ်တော့ အဲ့ဒီ့ဆင်က အထီး ကြီးကိုး

Credit - ရွှေအတောင်ပံမှာ ဒဏ်ရာတွေပြန်ကောင်းလာတဲ့တစ်နေ့

(တာရာမင်းဝေ)

Posted in Funny, Short story